عجبتنى شقلباظات البدو اللى عملها عمرو موسى

عامل زى واحد طلب اكل ديليفرى ومش عاوز يدفع الحساب

الجامعة العربية  طلبت والحت ولطمت من اجل حظر الطيران على ليبيا-ديليفرى

ولما المعلم الكبير-امريكا- جاب الطلبية بنفسه

فوجئ بعمر موسى-زانق الباب برجله- و بيقول له انا ماطلبتش كده

طبعا  استعباط عمرو موسى وازدواجيته وراهم محاولة تخفيف الضغط على مصر من اجل المشاركة العسكرية

واكيد وراه محاولة عدم تحمل مصر العواقب السياسية والجغرافية والثمن المادى والتاريخى

امريكا جاية من اولها قرفانة ومش متحمسة وماسكة الموضوع بطرف اصابعها- بمنديل كلينكس

لذلك يتعامل العرب مع الامر بوجهين لاية ماتظهر بوادر نجاحة

وكمان حتى لاتبقى نقطة سودا فى تاريخ رئيس مصر المقبل-تعوق العلاقات المستقبلية مع ليبيا

من ناحية تانية

روسيا والصين سابوا المعلم يتورط فيها -بعدم استخدامهم الفيتو -وبعدها طالعين عامين فيها زعلانيين

وحتى امريكا- المعلم الكبير بتقول عاوزين حد يتولى القيادة- فهل لديكم من جدعان-لاننا مقاولين هدد بس- وطلبت من بريطانيا فرنسا يجربوا حظهم المرة دى

من امتى التواضع ده كله يامعلم

وبعدين ماحنا طالبين ديليفرى لليمن من مدة ومحدش بيسال فينا

انت يامعلم  مابتروحش غير ف الحتت اللى فيها بترول

واللى  هتاخده من ليبيا زى اللى اخدته م العراق